Romada Azərbaycan Respublikasının Prezidenti İlham Əliyevin İtaliya Respublikası Nazirlər Şurasının sədri Ciorcia Meloni ilə görüşü başlayıb.
"Unikal" xəbər verir ki, Romanın "Chigi" Sarayında Prezident İlham Əliyevin şərəfinə fəxri qarovul dəstəsi düzülmüşdü.
İtaliya Nazirlər Şurasının sədri Ciorcia Meloni Azərbaycan Prezidenti İlham Əliyevi qarşıladı.
Azərbaycan Prezidenti İlham Əliyev və İtaliya Nazirlər Şurasının sədri Ciorcia Meloni fəxri qarovul dəstəsinin qarşısından keçdilər.
İtaliyanın nümayəndə heyətinin üzvləri Azərbaycan Prezidenti İlham Əliyevə, Azərbaycan nümayəndə heyətinin üzvləri isə İtaliya Nazirlər Şurasının sədri Ciorcia Meloniyə təqdim olundu.
Sonra dövlətimizin başçısı İlham Əliyev və İtaliya Nazirlər Şurasının sədri Ciorcia Meloni birgə foto çəkdirdilər.
***16:29
Azərbaycan Respublikasının Prezidenti İlham Əliyevin İtaliya Respublikasına səfəri çərçivəsində görüşləri davam edir.
"Unikal" xəbər verir ki, ölkə lideri İtaliya Prezidenti ilə birgə işçi naharından sonra baş nazir Giorgia Meloni ilə görüşəcək.
İtaliya hökumətinin məlumatına görə, görüş Bakı vaxtı ilə saat 17.00-da "Palazzo Chigi"də baş tutacaq.
Ağarza Elçinoğlu