Birləşmiş Millətlər Təşkilatının İqtisadi və Sosial Şurası (ECOSOC) qadınların hüquqlarını pozduğuna görə İranın BMT-nin Qadının Statusu Komissiyasından çıxarılmasını nəzərdə tutan ABŞ qətnaməsinin lehinə səs verib .

"Unikal" xəbər verir ki, bu barədə RİA Novosti məlumat yayıb .

Nəşr qeyd edir ki, qətnamənin lehinə 28 ölkə səs verib. 8-i İranın, o cümlədən Rusiya Federasiyasının xaric edilməsinin əleyhinə səs verib . 16 dövlət bitərəf qalıb.

Qətnamədə deyilir ki, Şura “İran hökumətinin 2022-ci ilin sentyabrından bəri qadın və qızların insan hüquqlarının, o cümlədən ifadə azadlığı hüququnun daima zəiflədilməsi və boğulmasına yönəlmiş hərəkətlərindən ciddi narahatlığını ifadə edir".

Nəşr qeyd edir ki, ECOSOC 2022-2026-cı illərdə qalan səlahiyyət müddəti üçün İranı dərhal komissiyadan çıxarmaq qərarına gəlib.

Bundan əvvəl məlum olub ki,  Almaniyanın Tehrandakı səfiri  Berlinin  İrandakı   etirazlarla bağlı BMT İnsan Haqları Şurasının iclasının keçirilməsi təşəbbüsü ilə əlaqədar yerli Xarici İşlər Nazirliyinə  çağırılıb .