Xaçmazda baş verən qəzada ölən və xəsarət alan şəxslərin kimliyi məlum olub.

”Unikal”ın Şimal bürosunun məlumatına görə, 1958-ci il təvəllüdlü Dəmirov Fərhad Ağamurad oğlu, 1958-ci il təvəllüdlü Z.Əmirbəyova və 1991-ci il təvəllüdlü Z Soltanova rayon mərkəzi xəstəxanasına yerləşdiriliblər.

Qəza nəticəsində birinci sinif şagirdi R. Vəliyev isə aldığı ağır bədən xəsarətlərindən ölüb. 

Hadisə ilə bağlı araşdırma aparılır.

*** 15:16

Xaçmazda yol-nəqliyyat hadisəsi baş verib. 

"Unikal"ın Şimal bürosunun məlumatına görə, Gəndob-Yalama avtomobil yolunun Xaçmaz rayonunun Nərəcan kəndi ərazisindən keçən hissəsində qeydə alınıb. Belə ki, "Opel" markalı minik avtomobili hərəkətdə olan "Ford" markalı mikroavtobusa çırpılaraq onu hərəkətdə olan "Kamaz" markalı yük avtomobilinin yoluna atıb. 

Nəticədə 1 nəfər azyaşlı ölüb, 3 nəfər isə yaralanıblar. Yaralılar Xaçmaz rayon mərkəzi xəstəxanasına yerləşdiriliblər. 

Hadisə yerinə hüquq-mühafizə orqanlarının əməkdaşları cəlb olunub.

Faktla bağlı araşdırma aparılır. 

Xanlar Qaraca