Türk əsilli məşhur Moldovalı model Xenia Deli Rusiyanın Krasnodar vilayətində yaşayan, Dağlıq Qarabağda ailəsini, ev-eşiyini itirmiş kimi təqdim edən erməni bomja 1 milyon rus rublu yardım edib.
Unikal.org xarici mətbuata istinadən xəbər verir ki, "Mişa dayı üçün ev" adlandırılan və sosial şəbəkələrdə başladılan kampaniyanın fəalları bu yardımdan sonra ev üçün lazım olan vəsaitin toplandığını elan ediblər.
"Victoria's Secret" kimi brendlərlə işləyən məşhur model Kseniya Deli dərhal bu kompaniyaya qoşulub.
Erməni bomj guya 1980-cı illərdə Dağlıq Qarabağda hərbi münaqişə zamanı ailəsini, ev-eşiyini itirdiyini deyib. Bu səbəbdən 1989-cu ildə Bakıya köçdüyünü və buradan da Krasnodara gəldiyini bildirib.
Evi olmayan Qariyan müntəzəm olaraq basketbol, futbol və voleybol maçlarını izləməyə gedir. Bu idman növlərinin ən yaşlı azərkeşi sayılan Qariyan yaşadığı şəhərdə ona hər kəs Mişa dayı deyir.
Qeyd edək ki, 27 yaşlı model Xenia Deli, keçən il 62 yaşındakı milyarder iş adamı Osama Fathi Rabah Al Sharif ilə ailə həyatı qurub.