Vitse-Miss Rusiya 2017 və “Kainat gözəli-2017” müsabiqəsinin iştirakçısı Kseniya Aleksandrova avtomobil qəzasında dünyasını dəyişib. 

"Unikal" xəbər verir ki, 30 yaşlı model iyulda Tver vilayətində avtomobil qəzası keçirib.

Aleksandrova təcili olaraq Moskvaya aparılıb, həkimlər qıza kəllə-beyin travması diaqnozu qoyub və reanimasiyaya yerləşdirilib. Həkimlərin səylərinə baxmayaraq, onun həyatını xilas etmək mümkün olmayıb.