Əfqanıstanın Fəzilət və Vitse Nazirliyi kişilərin və qadınların istirahət parklarında birlikdə vaxt keçirməsinə qadağa qoyub.

"Unikal" TASS-a istinadən xəbər verir ki, sərəncamda qeyd olunur ki, parklara bazar, bazar ertəsi və çərşənbə axşamı qadınlara, çərşənbə, cümə axşamı, cümə və şənbə günləri isə kişilərə baş çəkməyə icazə verilir. Belə bölgü qadınlar üçün açıq bədən hissələrinin göstərilməsinə qoyulan qadağanı aradan qaldırmır. Bu günlərdə parklarda kişilərin olmamasına baxmayaraq, onlar hicab taxmaq qaydalarına əməl etməlidirlər.

Əfqanların ailələri ilə birlikdə dincəlməyə öyrəşdiyi Kabildən kənarda yerləşən məşhur turistik yerlər üçün daha rahat qaydalar tətbiq edilib. Kişi və qadınların eyni gündə orada olmasına icazə verilir, lakin qadınlardan hicab taxmaq və yad insanlarla ünsiyyətdən çəkinmək tələb olunur.

Tətbiq edilən qaydalara əməl edilmədikdə, istirahət yerlərinin müdiriyyəti məhkəmə tərəfindən hədələnir. Çıxarılan qərarlardan şikayət vermək olmaz. Cəzaların şiddəti barədə məlumat verilməyib.

Ağarza Elçinoğlu