Rusiya universitetləri yeni ali təhsil sisteminə keçəcək.

"Unikal" xəbər verir ki, bu barədə Rusiyanın Təhsil və Elm Nazirliyi məlumat yayıb. 

Qeyd olunub ki, 2026-cı ildən Rusiyada “bakalavr” anlayışı yox olacaq. Əvəzində ali təhsilin iki səviyyəsi olacaq: əsas və ixtisas. Magistratura isə qalacaq.

"2026-cı il sentyabrın 1-dən bütün Rusiya universitetlərinin yenilənmiş ali təhsil sisteminə keçidi planlaşdırılır. Göstərilən tarixə qədər Rusiya Təhsil və Elm Nazirliyi müvafiq normativ hüquqi aktları hazırlayıb təsdiq edəcək", - məlumatda deyilir. 

Nazirlik həmçinin qeyd edib ki, hazırda mövcud təhsil proqramları üzrə qeydiyyatdan keçən tələbələr daxil olduqları proqramı başa vura biləcəklər.

Ağarza Elçinoğlu