Vətən müharibəsi qazisi Samir Rzayev yol qəzasında dünyasını dəyişib.

"Unikal"ın məlumatına görə, hadisə ötən gün Goranboyun Bəşirli kəndinin yaxınlığında qeydə alınıb. Belə ki hərəkətdə olan "VAZ 21014 "markalı minik maşını yoldan çıxaraq aşıb.

Qəza zamanı xəsarət alan 1995-ci il təvəllüdlü Samir Rzayevin həyatını xəstəxanada xilas etmək mümkün olmayıb.

Digər yaralı - 1987-ci il təvəllüdlü Seymur Tağıyevin müalicəsi xəstəxanada davam etirilir.

Qazi doğulduğu Gəncə şəhərində son mənzilə yola salınıb.

Qeyd edək ki, qəzada həlak olan Samir Rzayev 44 günlük Vətən müharibəsinin iştirakçısı olub.

Tural Əhmədov